loading ...

Compagnia: AMBULEJO

immagine della compagnia
Indirizzo: VIA VITTORIO VENETO 47 - RONCOFERRARO 46037 MN
Telefono: 33919356111
Referente: GIOVANNI BERNARDI
Indirizzo: VIA TRIESTE 22 - RONCOFERRARO 46037 MN
Telefono: 3391956111

LA STORIA


Bisogna andar in drè at tanti, tanti ani fa par catar la vera storia at la nostra Cominità. Al Mens, al Po i è testimoni at tanti aveniment at tuta la nostra gent … Gent, laboriosa, fantasiosa, estrosa, chi s’è senper arangià con quel che i gh’eva intoran a cà. Agricoltur, galafas, barcaroi, pescador, trasportador, traghetador da na riva a ch’l’altra. La Barca par tanti l’era la cà, l’era al lavor, l’era al sostentament at quasi tuta la gent… Eco “ I Governoles “ Pirati dal Mens … perché tut i commerciava, i Pirati dal Mens, perché tut i trasportava, i Pirati perché tut i pescava, i magnava o i vendeva in gir con li so barchi fati in cà con, amor e devosion come una gran mision. Pirati dal Mens perché la Fantasia quand a sé poveret la manca mia, l’è la medsina ad la semplicità c’l’at fa vedar anca pusè in là ad la realtà. Pirati dal Mens perché in al squar ad Guernol ( indoa i fava li barchi ) a gh’era i grand galafas, che con ingegn e fantasia i giustava o i fava barchi in legn d’ogni tipo e dimension a second ad l’ocasion. Voria ricordar li tanti famili ad barcaroi ad Guernol … e faran un elenco come in s’an libar ad Claudio … I è ben vintun … da mì contadi … che a i a … nomini mia, perché an voria mia dismengaram na qual d’una a rimenbransa, e la sares na mancansa foera creasnsa. Ades a gh’ema in Mens an qual batel con al so balansin incorporà , na barca a vela tuta ristuturada. Incoe a sema tuti motorisà, a gh’ema un imbarcadero con bar, indova a gh’è ancorà motoscaf ad diversi dimension, a gh’è na piscina in mes al Mens. A ghema al vec sosotegn, la conca ad navigasion cla lasa pasar betolini, barcon con li merci ad li gran industri. Motonavi pieni ad gent …. La storia l’as ripet … nom antic ad famili Governolesi ad Barcaroi, che l’ingegno i à svolupà e al Mens, al Po e Guernol i à valorisà. I è i nostar moderan pirati dal Mens, navigador che con pasion, conoscenza ed inteligensa i a fat e i fa conosar anca la nostra storia antica, idraulica, paesana . L’è un lavor che i fa con orgoglio, amor e sopratut con signorilità e simpatia … che da senpar a la gent at Guernol la manca mia . Brunetta Vicini Governalo 03 Maggio 2005